Algunhas claves de optimización dun sitio web con WordPress

Escrito por
  • Publicado en Tips / WebDev
  • Actualizado
  • 2 minutos de lectura
  • Etiquetado como

Algunhas claves de optimización dun sitio web con WordPress

  1. Escoller un bo provedor de hospedaxe web.
    O factor que máis inflúe na velocidade dun sitio web é a capacidade do servicio de hospedaxe.

  2. Usar un tema/marco(framework) lixeiro.

    Cantos máis elementos dinámicos, controles deslizantes, widgets, iconas sociais e máis elementos interveñan máis lle exixiremos ao servidor. Avaliar as necesidades antes de elixir un tema demasiado pesado. Eu desfruto con algo tan sinxelo coma Neve, ou oe mesmos tems por defecto de WordPress.

  3. Os tamaños das imaxes

    As imaxes son contribuíntes netos ao incremento de peso dunha páxina web. Reducir o tamaño das imaxes sen comprometer a calidade é a clave.

  4. Minimizar arquivos JS e CSS

    Ao reducir o número de chamadas CSS e JS e o tamaño dos arquivos implicados, se pode mellorar a velocidade de carga do sitio.

  5. Usar mecanismos de caché avanzados

    Os complementos de caché de WordPress poden axudarche a mellorar a velocidade de carga do teu sitio web.

  6. Usar un CDN

    Un CDN garda unha copia do noso sitio web en diferentes centros de datos situados en diferentes lugares. A función principal dun CDN é servirlle a páxina web a un visitante dende o lugar máis próximo posible e reducir deste xeito os tempos de espera. Hai moitas redes CDN (Content Delivery Networks) que contribúen a manter ao mínimo a velocidade de carga dun sitio web.

  7. Activar a compresión GZIP

    GZIP é un mecanismo de compresión de arquivos. Este proceso reduce considerablemente o uso do ancho de banda.

  8. Limpar a base de datos de WordPress

    Eliminar datos innecesarios e/ou non desexados da súa base de datos reducirá o seu tamaño e facilitará as consultas. Tamén é necesario eliminar comentarios spam, usuarios innecesasios, borradores antigos e…

  9. Eliminar complementos e temas aos que non lle esteamos a dar uso

    Os plugins e/ou temas que non usas son totalmente innecesarios, así que o mellor é eliminalos.

  10. Manter os scripts externos ao mínimo

    O uso de scripts externos – como Google Analytics, Disqus,…- tamén engade datos ao tempo de carga. Mellor empregar un número limitado de scripts, incluíndo só os elementos esenciais.

  11. Desactivar pingbacks e trackbacks

    Manter os pingbacks e trackbacks activados tamén require dunha cantidade indesexable de esforzo do servidor.

  12. E seguro que hai máis…

Etiquetas: